LAOAG CITY – Pimmusayen ti biktima iti napasamak a desgrasya iti paset ti Barangay Billoca idiay ciudad ti Batac nga immunan a naideklara nga unconscious.
Nabigbig daytoy a ni Mark Chrisler Estavillo, agtawen iti 27 ken residente iti Barangay Bungon ti nasao a ciudad.
Maipalagip a ti biktima ket aggapo iti maysa a paggiinuman ken bayat ti panagpapa-abagatan na a direksyon a nakalugan ti motorsiklo ket napukawan ti kontrol.
Gapu ti napasamak ket naidungpar ni Estavillo iti barikada a nakaituparan ti ulo na.
