LAOAG CITY – Umad-adon dagiti aggatang ti tupig sumagmamano nga oras sakbay ti panangsarabo ti paskua.
Segun ken ni Mrs. Clarita James, nagpatpatnagda a nagluto ti tupig idi rabii ken itay laeng alas dose ti aldaw ket naka-12 a salup-dan.
Patien na nga ado dagiti aggatang ken mabalin nga umado pay agingga iti baro a tawen gapu ta manmano laengen ti aglutluto iti pagtaengan da.
Mainaig iti daytoy inpakaammu na a maysa laengen ti free ti maysa a bundle nga agbalor ti sangagasut a pisos no ikumpara idi napalabas a tawen a dua a pedaso ti free gapu ta ngimmato ti presyo dagiti ramen nangruna ti buko, asukar ken ti bulong a pagbungon.
Kabayatanna, makatubtubo da Mrs. Clarita iti 20,000 a pisos kada holiday season.
