LAOAG CITY – Nairekord ti gobyerno probinsyal ti 157 a pasyente a nakarekobre manipud ti panagpositibo da iti COVID-19 idinto a 88 dagiti baro a kaso ditoy probinsya.
Basar iti datus ti gobyerno probinsyal, 43 dagiti nalaingan ditoy siudad ti Laoag, 36 iti siudad ti Batac, 15 iti ili ti Pasuquin, 12 iti ili ti Solsona, agpapada a siyam iti Pinili, Dingras, ken Bacarra, agpada nga uppat iti San Nicolas ken Sarrat, sagtatallo iti Paoay, Banna, Badoc, ken Dumalneg, dua iti Adams ken saggaysa iti Burgos ken Currimao.
Iti bilang dagiti baro a kaso, 19 iti siudad ti Batac, agpapada a 12 iti ili ti Pinili, Paoay, ken Vintar, walo iti Banna, innem iti Piddig, lima iti Solsona, agpada a tallo ti baro a kaso iti Sarrat ken Bacarra, sagdudua iti Burgos ken ditoy siudad ti Laoag, ken saggaysa iti Carasi, Pasuquin, Currimao, ken San Nicolas.
Umaboten ti 17,216 ti kaso ti COVID-19 ditoy probinsya, nga addaan ti 1,555 nga aktibo a kaso, 15,379 a recoveries, 282 ti pimmusay kalpasan a nanayunan ti dua a natay manipud ditoy siudad.
