LAOAG CITY – Umad-adu ti bilang dagiti doktor iti Mariano Marcos Memorial Hospital and Medical Center iti siudad ti Batac.
Segun ken ni Dr. Jose Orosa III, Chief Medical Staff iti nasao nga ospital, iti baet a saan pay a makaumanay ti bilangda gapu ta adda pay dagiti plantilla position a masapul a malitupan.
Inbatadna a daytoy ti rason no apay a dagiti amin a departamentoda ket maibilangen nga accredited tapno umadu ti resident doctor-da no sadinno nga adda dagiti sub-specialist a pagbasbasaenda nga agsubsubli.
Inlawlawagna a 10 a tawen ti napalabas ket ad-adu dagiti specialist isu a gutgutigotenda dagiti agturpos iti College of Medicine a mapanda agaplikar iti Mariano Marcos Memorial Hospital and Medical Center tapno masursuroanda.
Innayonna a mangnamnamada a maipaayda ti husto a serbisio kadagiti umili nangruna ket umad-adu dagiti pasilidadda kangrunaanna no maestablisar ti Pancian Hospital gapu ta mabingay-bingay ti bilang dagiti doktor.
