LAOAG CITY – Nakairekord ti automotive industry ti pagilian ti record-high sales iti napalabas a tawen.
Basar iti datos ti Chamber of Automotive Manufacturers of the Philippines Inc. (CAMPI) ken ti Truck Manufacturers Association (TMA) nga addaan ti pakabuklan a 467, 252 units ti nailako.
Ti nasao a bilang ket nangatngato maidasig idi 2023 nga addaan ti 429,807 units.
Inbatad ni Chamber of Automotive Manufacturers of the Philippines Inc. President Rommel Gutierrez a ti napintas a resulta idi Disiembre ket mangipaneknek ti agtultuloy a pumigpigsa dagiti industria.
Naammoan a dagiti pampasahero a lugan a nailako ket ngimmato ti 10.5 percent wenno katukad ti 120,770 units idi 2024 manipud iti 109,264 units iti napalabas a tawen 2023.
Ti commercial a lugan ket ngimmato ti walo a porsiento a 346,482 units idi 2024 maidasig iti 320,543 units idi 2023.
Mangnamnama ti grupo ita a tawen ket ad-adda a ngumato ti bilang dagiti lugan a mailakoda.
