LAOAG CITY – Bimmaba ti bilang dagiti maababuso a babbai ken ubbing ditoy siudad ti Laoag.
Segun ken ni Ms. Mary Joan Pasigui, Focal Person ti Local Committee Against Trafficking – Violence Against Women and their Children ditoy cuidad, daytoy ket babaen iti agtul-tuloy a pannakaiwayat ti counseling, pannagbisita kadagiti baranggay tapno malpadan ti aniaman a klase ti panagubuso.
Kinunana a saan lang a dagiti counseling, nagduduma nga aktibidad ken forums ti maipaay kadakuada no diket no kasano da pay a matulongan a makabangon.
Basar iti record ti City Social Welfare and Development Office, adda ti uppat a kaso ti nairekord ita a tawen maidasig idi napalabas a tawen nga addan iti walo.
Inlawlawagna a ti kangrunaan a maipadpadanon a problema ket dagiti ama a nagtalaw wenno saan a mangit-ited iti sustenso kadagiti annakda.
Nupay kasta, naiget ti kampanya ti lokal a gobierno ditoy siudad iti pananglapped ti pannakaabuso dagiti babai ken ubbing ken ti insigida nga aksion a maaramid no adda dagiti maipadanon a reklamo maipaggep iti nadakamat a banag.
Inpalgakna a ti kangrunana a rason no apay a bimmaba ti record ti nadakamat a banag ket ti napintas a koordinasion iti lokal a gibierno ditoy siudad,ti City Social welfare and Development Office, pulisya ken barangay.
Kabayatanna, gapu iti daytoy nga addang nga araramiden ti lokal a gobierno ditoy siudad ket maysa kadagiti nangibasaran iti pannakagun-od ita a tawen iti Seal Good Local Governance wenno SGLG a pannakasalwad iti karbengan.
Pinasengkedan ti City Social Welfare and Development nga sidadaan iti opisinada a mangdengngen ken mangipaay ti tulong kadagiti umili a sumangsango kadagiti nagduduma a problema kangrunaan iti panagabuso.
