LAOAG CITY – Umaboten iti 20 dagiti nagpositibo iti 2019 novel-coronavirus kadagiti nakalugan ti cruise ship idiay Japan.
Daytoy ket basar iti inpatulog a mensahe iti Bombo Radyo Laoag ti maysa a pinay a ni Jescel Gadi Kato, taga Leyte ngem nakaasawa idiay Japan.
Inbatad na nga amin a nagpositibo ti coronavirus ket naipan da a dagus iti ospital.
Innayon na a dagiti dadduma ket nagtalinaed da pay laeng iti uneg ti barko ken agtultuloy a monmonitoren dagiti otoridad.
Inbatad pay ni Kato a basar iti impormasyon na, umabot ti nasurok a 1200 a Japanese ti nakalugan iti barko ken dagiti dadduma ket agduduma a puli a kaadoan ket chinese.
Immunan a nakumpirmaran a maysa a pinoy crew ti barko ti karaman kadagiti nagpositibo ti nasao a sakit.
Kabayatanna, inbatad ni Kato a kaadoan kadagiti paggatangan idiay Japan ket awanen ti lako da a face mask ken alcohol gapu iti panagpan-panic buying dagiti residente.
