LAOAG CITY – Umaboten iti 40 nga indibidual ti natay gapu iti mapaspasaran a napigsa a tudo idiay Brazil.
Basar iti state fire departments ti Minas Gerais, adda ti 27 a dadduma pay ti naipadamag a mapukpukaw.
Naruay a residente ti napukawan ti pagtaengan idinto a naibakwit dagiti dadduma gapu iti landslide.
Marigatan met dagiti rescuers iti panangbiruk kadagiti nagaburan a tattao gapu iti napuskol a pitak.
Inpasigurado ti federal government ti Brazil ti tulong kadagiti naapektaran a residente.
