LAOAG CITY – Umaboten iti 600 a tattao ti kumpirmado a natay gapu iti nalawa a layos ken landslides a gubuay ti panagtudtudo na ti napigsa iti kadakkelan a paset ti southern Asia.
Ti napigsa a tudo babaen kadagiti tropical storms ti nangitunda ti nakaro a layos kadagiti rehiyon iti sumagmamano a tawen ket nakaapektar ti minilyon a tattao iti Indonesia, Malaysia, Thailand ken Sri Lanka.
Gapu iti nakaro a layos a nangrugi iti isla ti Sumatra iti Indonesia ket napukaw amin a sanikua ken ado dagiti naisakripisyo a biag.
Malaksid kadagiti natay ket ginasut a sabsabali pay dagiti nagtalinaed a mapukpukaw .
