LAOAG CITY – Agtultuloy ti panagado ti bilang dagiti Pilipino kangrunaan na dagiti Ilokano a miembro ti LGBT Community a manggundaway iti same sex marriage idiay Amerika.
Segun kenni Bombo International Correspondent Manny Pascua idiay Hawaii, ti kaudian a nangpetisyon ti nobyo na ket ti agtawen ti 37 a taga ili ti Marcos ken agnanaed idiay County of Maui, ken agtrabtrabaho iti maysa nga hotel.
Inbatad na a ti pinetisyonan na ket maysa a criminology student, tudo ditoy probinsya ngem dimmakel idiay Metro Manila ken nankapan idiay Hawaii babaen ti Fiance Petition.
Naamoan a ti nasao nga agayan-ayat ket masapol nga agkasar da idiay Hawaii iti uneg ti 90 nga aldaw wenno tallo a bulan gapo ta no mapaay da ket rumbeng nga agawid ti lalaki ditoy pagilyan.
