LAOAG CITY – Umaboten iti 41 dagiti pimmusay gapu kadagiti8 napasamak a desgrasya ditoy probinsya.
Segun ken Police Major Sheryl Guzman, ti pannakangiwat ti Ilocos Norte Police Provincial Office (INPPO), nakairekorda ti pakabuklan a 178 a disgrasya manipud idi Enero 1 agingga Disiembre 20.
Kuna ni Guzman a no maikumpara iti napasamak a desgrasya idi napan a tawen 2023 nakairekord ti ahensya ti 197 a disgrasya, nangatngato ngem ita a tawen, ngem nababbaba met ti bilang dagiti pimmusay idi 2023 nga addaan ti 37.
Innayonna a kaadwan kadagiti madisdisgrasya ket manipud ditoy ciudad ti Laoag ken addaan ti impluwensya ti nasanger.
Kabayatanna, naminsan manen a nagpalagip ti ahensya iti publiko iti natalged a panagmaneho ken inpasigurado da nga ad-adda pay a paigetan da ti panag-check point.
