LAOAG CITY – Umaboten iti 144 a tattao dagiti pimmusay idinto a 730 a sabsabali dagiti nasugatan iti idadayyeg ti magnitude 7.7 a gingined idiay Myanmar.
Kabayatanna, adda met ti lima a tattao a pimmusay ken 117 dagiti mapukpukaw idiay Bangkok, Thailand gapu iti napigsa a gingined.
Iti agdama, makukimum dagiti rescuers idiay Thailand ken Myanmar nga agbiruk kadagiti possible a survivors.
Malaksid kadagiti natay ken nasugatan nga indibidual ket naruay pay a pasdek ti nadadael iti dua a pagilian gapu iti idadayyeg ti napigsa a gingined.
Kabayatanna, nagpanawagan ti Amnesty International iti ruling military junta ti Myanmar a palubusan a makastrek ti humanitarian aid iti amin a lugar a tinamaan ti gingined.
