LAOAG CITY – Umaboten iti 81 a tattao ti bilang dagiti natay iti idadayyeg ti napigsa a gingined idiay Mindanao idi Hunyo 8, idinto a 31 a sabsabali dagiti nagtalinaed a mapukpukaw.
Daytoy ket basar iti kaudian a situational report nga inparuk-at ti National Disaster Risk Reduction and Management Council (NDRRMC).
Adda ti pakabuklan a 1,315 a tattao ti nairekord met a nasugatan, nupay nakuna ti ahensya a dumaldalan paylaeng iti validation ti kaadoan kadagiti naireport a casualties.
Inreport pay ti ahensiya nga umaboten iti nasurok a 380,000 a pamilya wenno 1.63 milyon nga indibidwal ti apektado iti nasurok nga 600 a barangay iti Region IX, XI, XII, ken Bangsamoro Autonomous Region in Muslim Mindanao (BARMM).
Iti damage assessment, umaboten iti nasurok nga 87,000 ti balay a nadadael.
Umabot met iti P1.356 billion ti balor dagiti nadadael iti sektor ti imprastruktura kadagiti rehiyon a napakarwan ti gingined.
Mainaig iti daytoy, nagtalinaed nga adda iti babaen ti state of calamity ti pakabuklan a 18 a ciudad ken munisipalidad.
