LAOAG CITY – Pimmusayen ti dati nga PBA star Peter ‘June’ Simon iti tawen a 46.

Daytoy ket gapu iti kellaat a pannakaawan ti puot na iti maysa nga exhibition game iti Davao City idi Kalman, Biernes Nobyembre 20.

Mainaig iti daytoy, naitaray pay iti San Pedro Hospital iti Davao City ngem saanen nga immabot pay.

Naam-ammo daytoy kas “The Scoring Apostle” ken “SuperSub”.

Nagay-ayam pay daytoy iti Purefoods ti 17-season iti PBA no sadinno a karaman daytoy iti pannakagun-od da ti walo a kampeonato.

Karaman pay ni Simon ti 2014 Grand Slam sakbay a nagretiro iti panagay-ayam idi 2020.