LAOAG CITY – Naragsak nga inpakaammo ni Dr. Rickson Balalio, Officer-In-Charge ti Provincial Health Office nga awan ti nainayon a bilang dagiti nagpositibo iti rabies ditoy probinsiya iti napalabas a bulan agingga iti bulan ti Setiembre.
Segun kenkuana, daytoy ti makitkitana nga epekto ti naiget nga panangipaay ti impormasion iti publiko ken panangipa-adal kadagiti tattao iti rumbeng nga aramiden no makagat ti aso wenno pusa ken ti panagbalin a responsible pet owner.
Kunana nga awanen dagiti madamdamagna nga agturturong kadagiti albularyo tapno agpatandok no diket insigidadan nga agturong kadagiti balay pag-agasan tapno agpabakuna iti anti-rabies vaccine.
Mainaig iti daytoy, namnamaenna nga agtalinaed daytoy tapno mamaminsanen a makaruk-at ti probinsia iti rabies.
Maiplagip nga immunan nga inpettengna, idi Nobiembre 2023 ket adda ti 13 a suspected case ti rabies no sadinno ken saanen daytoy a nanayonan.
Kabayatanna, inpettengna nga adda ti makaanay nga anti-rabies vaccine ditoy probinisia gapo iti panagkikinnamayet iti Provincial Government ti Ilocos Norte, Local Government Units ken ti Department of Health.
