LAOAG CITY – Dumanonen iti 52 ti bilang dagiti kaso ti Monkeypox a nairekord ditoy Pilipinas.
Inbatad ni Health Secretary Teodoro Herbosa a 32 kadagiti nasao a kaso ket manipud iti National Capital Region (NCR).
Adda ti 13 met kadagitoy ket manipud iti Region 4A wenno Calabarzon idinto a tallo a kaso ti nairekord iti Region 3 wenno Central Luzon.
Mainaig iti daytoy, naminsan manen a nagpanawagan ti Department of Health iti publiko nga agbalin a naannad tapno saan a makaakaran ti monkeypox a mabalin a maiyakar babaen ti close ken intimate contact iti tao a nakaptan iti daytoy.
