LAOAG CITY – Bimmaba ti bilang ti vehicular traffic incident ditoy probinsya iti umuna quarter ti 2025.
Inbatad ni Police Col Frederick Obar, ti Provincial Director ti Ilocos Norte Police Provincial Office a kaadoan kadagiti napaspasamak a disgrasya ditoy probinsya ket gapo iti human error.
Segun kenni Obar, bimmaba iti 10 a porsiento wenno 40 dagiti napasamak a disgrasya sipud idi Enero agingga iti Marso ita a tawen no ikumpara iti 51 a nairekord iti isu metlaeng a panawen idi 2024.
Dinakamat na a manipud iti 40 a bilang ti napasamak a disgrasya ket 9 dagiti pimmusay, 15 ti physical injuries ken 16 ti damage to property.
Inpetteng na a makaalarma daytoy rason nga inulit na manen ti nagpanawagan kadagiti motorista a saan nga uminom ti nasanger no agmaneho.
Innayon na a saan met a nagkurang ti nailian a pulisya iti panangbalakad ken panangiyuswat ti checkpoint, karaman ti Oplan Sita iti nagduduma a lugar ditoy probinsya.
