LAOAG CITY – Inpetteng ni House Prosecution Panel Spokesperson Atty. Antonio Audie Bucoy nga adda ti patinggana wenno limitasion ating bileg ti Senate impeachment court.
Reaksion daytoy ni Bucoy iti rakurak ni Senate President Francis Escudero nga adda ti nalawa a panagwaywayas ti Senado kas impeachment court mainaig iti mabalin daytoy nga aramiden iti Articles of Impeachment nga inpasa ti Kamara.
Inbatad ni Bucoy a ti gagem ti Senado ket nasken a maiyataday iti limitasion a naikeddeng ti Konstitusion ken iti impeachment rules daytoy.
Kunana a nasken a maiyallubog met iti Konstitusion ti inrakurak ni Escudero a deskresion ti Senado iti panagbukel ti bukudna a pagalagadan.
Kabayatanna, dinakamat ni Bucoy a plano ti House prosecution panel nga agisubmitir dagiti maiyannatop a pleading iti impeachment court kadagiti sumarsaruno nga aldaw.
