LAOAG CITY – Nangisayangkat ti Bureau of Internal Revenue iti maikadua a daras iti panang-audit iti Ilocos Norte Electric Cooperative.
Segun ken ni Mr. Perry Martinez, Acting General Manager ti Ilocos Norte Electric Cooperative, adda dagiti initial a report a nakita ti Bureau of Internal Revenue iti umuna a daras a panag-audit dagitoy.
Inbatadna a mangnamnama isuna a saanen a manayonan pay ti naduktalan ti Bureau of Internal Revenue banag a naigetna daytoy nga ikarkararag.
Nupay kasta, inlawlawagna a no bilang adda ti makita a nalabsing ti Ilocos Norte Electric Cooperative ket kalikagumna a saan koma a sumango iti criminal liability ti kooperatiba.
Innayonna a namulta ti Ilocos Norte Electric Cooperative ti tallo a milyon a pisos iti umuna a panang-audit ti Bureau of Internal Revenue iti nasao a kooperatiba.
