LAOAG CITY – Nakairekord ti all-time high a sumurok P760 billion a birok iti turismo manipud iti international visitors idi 2024 basar iti Department of Tourism Secretary Christina Frasco.
Inbatadna a mangipakpakita daytoy ti 9% a panagngato manipud iti 2023 visitor revenues ken 126% recovery manipud iti 600 billion receipts idi 2019 wenno sakbay a nagraira ti pandemia a maysa kadagiti nakaapektar iti benneg ti turismo.
Inlawlawagna a ti datos ket mangipakpakita ti naartapanen ti panagrekobre ti turismo ti Pilipinas ti pre-pandemic numbers.
Mainaig iti daytoy, kunana a nagtalinaed ti panangikagumaan ti Deprtment of Tourism tapno siguradoen ti panagngato ti bilang ti tourism arrivals ditoy pagilian.
