LAOAG CITY – Kwinestyunaran ni Vice Mayor Vicentito Lazo ditoy ciudad ti Laoag no apay a ti head ti Dept. of Public Safety (DPS) ket ni Police Executive Master Sergeant Ferdinand Santos.
Daytoy ket gapo ta ni Santos ket organic member ti PNP ken daytoy ket departamento ti gobierno national.
Segun kenni Lazo, nasken a ti head ket Public Safety Officer V nga appointaran ti mayor ken kumpirmaran ti kaadoan a miembro ti Sang. Panlungsod.
Inlawlawag na a no awan pay ti maappointaran ket ti ex-officio director basar iti ordinansa idi pay laeng 1995 nga ti nakatugaw ket ni dati a Mayor Roger Fariñas no sadinno a mismo a mayor ti ex-officio ken ti met ex-officio assistant ket ti chief of police.
Inpetteng na a ditoy a makita ti saan a napintas a pannakaoperar ti DPS babaen iti dati nga administrasyon.
Namunganay daytoy iti panangsaludsod ti bise mayor no siasinno ti pagipakadaan no mausar dagiti ambulansya ditoy ciudad ti Laoag nangruna no mapan iti sabali nga ili wenno ciudad ditoy probinsya.
