LAOAG CITY – Inbatad ni Bishop Renato Mayugba a saan koma nga agbuteng dagiti umili a mapan iti simbaan.
Daytoy ket gapu ti alert memo manipod iti Northern Luzon Command (NOLCOM) mainaig ti maipagarop a kaadda dagiti terorista ditoy Region I.
Maipalagip a basar iti alert memo ket karaman dagiti simbaan kadagiti maipagarop a target dagiti terorista.
Inbalakad na kadagiti umili nga awan ti rumbeng a pagbutngan iti panagturong iti simbaan gapu ta adda dagiti otoridad nga agbanbantay ken agtalek iti namarsua.
Nupay kasta, kuna na a kasapulan latta ti panagridam ken panagalerto, ken no adda dagiti tattao a mapagduduwaan ti tigtignay na ket masapol nga ireport a dagus kadagiti otoridad.
