LAOAG CITY – Inpasigurado ti Bureau of Jail Management and Penology a saanda nga ikkan ti aniaman a klase ti special treatment ni dismissed Bamban Tarlac, Mayor Alice Guo basar iti maipatpatungpal a pagannurutan.
Inaramidna ti rakurak kalpasan ti planona a pannakaiyakar ken ni Guo iti nasao a pagbaludan kalpasan a naiparuk-at ti warrant of arrest ti korte kontra kenkuana.
Daytoy ket para iti kaso a qualified trafficking in person nga awan ti nairekomendar a piyansa para iti temporario a pannakawayawayana.
Malaksid ken ni Guo, nangiruar metten ti Pasig RTC ti arrest warrant kontra kadagiti dadduma pay nga indibidual a karaman kadagiti kinasoan ti Philippine National Police at Presidential Anti-Organized Crime Commission.
Basar iti Bureau of Jail Management and Penology, itiponda ni Guo kaduana dagiti Person Deprived of Liberty iti nasao a pagbaludan.
Kabayatanna, inadmitir ti opisial a dupudupen ti Pasig Bureau of Jail Management and Penology.
Kayatna a saoen, ti uppat a pagbaludan ket addaan ti 36 a balod a nakaibalod.
Iti baet daytoy, inpasigurado ti opisial ti Bureau of Jail Management and Penology ti kinatalged ti dati a Mayor ti Bamban, Tarlac.
