LAOAG CITY – Inpakaammo ni 1Lt. Russel Maxie Mandac, Philippine Army Reserve, Battalion S3/ Operations Officer iti Army Reserved Command, a ballaigi ti naiyuswat a blood letting activity nga inatendaran dagiti non-governemnt organizations.
Kuna na a nakaukkon da iti 50 bags iti dara manipud kadagiti successful blood donors.
Segun kenni Mandac, mamindua iti maysa a tawen nga iyuswat da iti panagidonar iti dara para kadagiti agkasapulan nga umili idinto a tinawen a maiyus-uswat daytoy.
Inbatad na a naiget a supsuportaran da ti aktibidad ti Free and Accepted Masons of the Philippines a makatulong kadagiti umili.
Innayon ni Mandac a sidadaan da a mangipaay iti dara kadagiti agkasapulan ngem masapul a mangipakita da ti surat ti doktor nga agkasapulan da iti dara.
