LAOAG CITY – Nagtinnulong iti opensa da Alyssa Solomon ken Bella Belen tapno magun-od ti defending champion a National University iti 25-23, 25-19, 25-15 a nagballigi kontra iti Ateneo iti UAAP Season 87 women’s volleyball tournament a naisayangkat iti FilOil EcoOil Arena idiay San Juan City.
Napadayawan kas Best Player of the Game ni reigning Finals MVP Solomon kalpasan a naka-iskor ti game-high 12 points nga umdas tapno matulungan ti National University a maaramid ti nadalos a dua a panangabak ken iggaman ti tuktok ti team standings.
Nakaaramid met da star hitters Vange Alinsug ti 10 points ken two-time UAAP MVP Belen ti siam a puntos pakairamanan ti pito nga excellent receptions ken lima a digs para iti Lady Bulldogs.
