LAOAG CITY – Agsubli ti iconic trio a da Rancho, Farhan ken Raju ti 3 idiots iti big screen kalpasan ti 20 a tawen.
Ti sequel para iti 2009 Bollywood hit comedy film 3 idiots ket naipublikar iti publiko a manarimaan ti proyektoda babaen ti panangidadaulo ni director Rajkumar Hirani no sadinno ket kinumpirmaranna a ti nadakamat nga iconic movie ket manarimaan ti panang-develop-da.
Mainaig iti daytoy, kinumpirmaan ti team a ti pagpuligusan ti manamnama nga istoria ket ti agdama a biag dagiti 3 idiots kalpasan ti 20 a tawen.
Kabayatanna, immuna a naipabuya ti nasao a film idi tawen 2009, no sadinno ket daytoy ket pakasaritaan dagiti tallo nga engineering students a timmibker ti panagpapagayamda gapu iti academic pressure a sinangoda.
Ti nadakamat a film ket nakaaramid ti naruay a pakasaritaan saan laeng idiay India no diketdi nakadanon pay daytoy iti intero a lubong.
Maipalagip a ti film a 3 idiots ket nakaala ti 16 a pammadayaw manipud iti 27 nominations, pakairamanan ti Best Film and Best Director iti International Indian Film Awards in 2010 wenno ti makunkuna a Bollywood Oscars.
Malaksid kadaytoy, basar iti maysa a media outlet, ti nadakamat a film ket nagbalin nga international box-office success a nakaukkon ti $51 million manipud iti domestic ken international market iti laeng umuna a 10 nga aldaw ti pannakai-release-na.
