LAOAG CITY – Mangipila ti Department of the Interior and Local Government (DILG) iti motion for custody tapno maiyakar ni dati a House Speaker Martin Romualdez, nga agdama a sumangsango iti kaso ti plunder, iti Philippine National Police General Hospital idiay Camp Crame, Quezon City.
Naammoan nga adda iti Cardinal Santos Medical Center ti nadakamat a dati nga speaker gapu iti mapapati a cardiovascular event, unstable blood pressure, ken anxiety attack.
Segun kenni DILG Secretary Jonvic Remulla, nagsao ti doktor iti nasao nga ospital ken ti doktor iti Philippine National Police General Hospital (PNP-GH) no sadino a kunada a saan a natalged ti kasasaad ti nasao nga Speaker.
Posible nga ipila ti DILG ti nasao a mosion iti nadakamat a korte ita nga aldaw, Setiembre 8, wenno inton bigat, Setiembre 9.
Segun ken ni Remulla, kabaelna pay laeng a makaakomodar ti Philippine National Police General Hospital (PNP-GH) ni Romualdez, ngem adda pay laeng iti korte no sadino ti pangipananda kenkuana.
No mapalubosan a maiyakar iti Philippine National Police General Hospital (PNP-GH), mapalubosan a sumarungkar kenkuana ti asideg a pamiliana, dagiti abogado, ken ti doktorna.
