LAOAG CITY – Ginas-gasut a tattao agraman dagiti ub-ubbing ti nagbuya iti naiwayat a grand parade iti sentro ditoy siudad ti Laoag kas iti pAmulinawen Festival.
Maysa ti Bombo Radyo Laoag ti nakipagpaset iti parada no sadino a naipabuya dagiti agkakapintas a float dagiti nagduduma nga stakeholders ken assosasyon wenno grupo.
Ti float ti Bombo Radyo ket nadisenyoan iti tela a nagmaris ti yellow, blue, nalabbaga ken puraw kas maiyarngi iti kolor ti background iti facebook live.
Naikkan met iti sumagmamano a balloon, tarpulin ti Bombo Radyo ken dagiti ornamental plants.
Naipatukar ti Bombo Radyo Barker kabayatan ti parada.
Naragsak met dagiti tattao kadagiti naipurwak a dulse a naglalagawan da.
Ti naiwayat a Grand Parade ket maysa kadagiti aktibidad iti bisperas ti Pamuliwen Festival a maselebraran iti Pebrero 10 iti kada tawen.
