LAOAG CITY – Pinadayawan ti Mariano Marcos Memorial Hospital and Medical Center iti ciudad ti Batac ti Bombo Radyo Laoag kas Most Outstanding Service Delivery Network (SDN) partner ti nasao nga ospital.
Naipaay ti pammadayaw bayat ti 2nd Stakeholders Meeting a naiyuswat ti 5th Floor Function Hall ti Mariano Marcos Memorial Hospital and Medical Center idi kalman, Pebrero uno.
Ti Plaque of recognition a naipaay ti Bombo Radyo Laoag, bigbigbigen ti ospital ti commitment, dedication ken agtultuloy a panangsuporta ti network ti pannakaiwaras dagiti impormasyon seknan ti healthcare sevices para kadagiti Ilokano.
Inawat a mismo ti OIC Assistant Station manager ti Bombo Radyo Laoag a ni Bombo Randy Yute, kadwa na ni Bombo Serafin dela Cruz ti nasao a pammadayaw.
Napalaus ti panagyaman ti Bombo Radyo Laoag ti panangbigbig ti nasao nga ospital ken agserbi manen daytoy a baro nga inspirasyon ti network tapno ad-adda pay a padur-asen ti serbisyo ken dagiti programa para ti publiko.
