LAOAG CITY – Desidido ti Boston Celtics a makumpletoda ti 2-0 a lamang iti homecourt kontra iti Indiana Pacers para iti Game 2 ti Eastern Conference Finals.
Idi Game 1 ket naala ti Boston ti umuna a balligi iti babaen ti overtime iti iskor nga 133-129.
Agpada a magagaran ti koponan a makastrek iti NBA Finals no sadino a naudi a nakastrek iti finals ti Pacers ket idi 1999-2000 idinto ti Celtics ket idi 2021-2022.
Kas ti Game 1 ket namnamaen ti Celtics ti maminsan manen a panagarangkada iti ay-ayam da small forward Jayson Tatum a nakairekord ti 36 points ken 12 rebound kasta met ken ni shooting guard Jaylen Brown a nakaaramid ti 26 points, pito a rebounds ken lima nga assists idi Game 1.
Kalikagum met a paneknekan ti Pacers nga isuda ti rumbeng a makastrek iti Finals no sadino sumagmamano kadagiti agay-ayam iti daytoy ket manamnama nga adda ti adjustments iti panagay-ayam ket isuda power forward Pascal Siakam nga addaan ti 24 points ken 12 rebounds idi Game 1 nag isuna ti maibilang a banuar iti panangabak ti koponan iti first-round playoffs-da idi abakenda ti Milwaukee Bucks.
Dakkel pay a naitulong iti Pacers ni Point guard Tyrese Haliburton nga addaan ti double-double idi Game 1 nga uray naabakda iti Boston ket nakaarami daytoy ti 25 points, 10 assists, tallo a rebounds ken tallo nga steals.
