LAOAG CITY – Inlungalong ni House Deputy Majority Leader ken ACT-CIS Party-list Representative Erwin Tulfo a masuspenso ti business permit ti botika wenno dagiti merkado publiko a saan a sumursurot iti pammilin ti Department of Health (DOH) a saanen a kasapulan ti booklet tapno maipaayan ti diskuento dagiti senior citizens a gumatgatang ti agas.
Insingasing daytoy ni Tulfo kageddan ti naawatna a report nga adu pay laeng kadagiti establishimento ti agbirbirok ti discount booklet manipud kadagiti senior citizen idinto a dagiti dadduma nga aglaklako ket maipagarup nga ungtanda pay dagitoy.
Inpetteng ni Tulfo nga isu nga inikkat ti Department of Health ti medicine purchase booklet sipod idi Disiembre 2024 ket gapu ta masansan a maliplipatan dagiti maseknan a senior citizens nga itugot.
Kabayatanna, inabisoan pay ti maysa kadagiti pannakabagi ti ACT-CIS Party-list a Congressman Edvic Yap dagiti senior citizen nga i-report iti Local Government Unit kangrunaanna iti Office of the Senior Citizens Affairs dagiti botika wenno merkado nga agkiddaw kadakuada ti medicine booklet.
