LAOAG CITY – Inbatad ti Business Permit and Licensing Office ditoy ciudad ti Laoag nga agsurat da kenni Mayor James Bryan Alcid tapno kiddawen ti panagbalin a departamento ti opisina da.
Segun kenni Ms. Eva Marie Dumlao, Business Permit and Licensing Officer III, gagem ti kalikagom da a mapagbalin a departamento ti opisina da ket tapno manayonan ti empleado gapu ta marigatan da iti kinaado dagiti trabaho da kas iti mapan aginspeksyon kadagiti pasdek negosio ken dadduma pay.
Kunana a gapu ta saan pay a napagbalin a departamento ti opisina da ket limitado laeng ti empleado da idinto a naruay dagiti agkalikagom nga agnegosyo isut gapuna a saanda a maasikaso a dagus dagiti maseknan.
Inbatad ni Dumlao nga adda laeng ti 10 a tao da isut gapuna a marigatan da nangruna no adda dagiti operasion da.
Innayon na a tapno alisto da a maipatungpal dagiti trabaho da ket nasaysayat no ad-ado dagiti katulunganda.
Kabayatanna, mangnamnama ni Dumlao a mapatgan ti kiddaw da gapu ta no dadduma ket saan a maliklikan nga ado dagiti agreklamo maipanggep iti nabyag a panagtrabaho da.
