LAOAG CITY – Maragsakan ni Atty. Charito Malicad gapu ta napagbalinen a maysa a Departamento iti Business Permit and Licensing Office ditoy ciudad ti Laoag.
Inbatad ni Atty. Malicad ti Officer-In Charge iti Business Permit and Licensing Office ditoy ciudad a ti nasao nga addang ket ibilangna a napintas a damag.
Inladawan na a “very innovative” daytoy a ganuat gapu ta nabayagen a kayat da nga agbalin a departamento ti nasao nga opisina uray idi saan pay nga isuna iti nakatugaw kas mangidaulo.
Segun kenkuana, babaen iti panagbalin a departamento ti nasao nga opisina ket maipaayan ti naan-anay a pondo para kadagiti kasapulan da.
Kunana a dakkel ti akem ti Bussiness Permit and Licensing Office iti maysa a Local Government Unit kangrunaan no maipanggep iti revenue collection ken dadduma pay.
