LAOAG CITY – Naiget ti panangipapigsa ti Business Permit and Licensing Office ditoy suidad ti Laoag ti panagbisita ti grupoda kadagiti amin nga establisimiento ken kadagiti negosio ditoy suidad.
Segun ken ni Atty. Charito Malicad, mangidadaulo iti nasao nga opisina a daytoy ti wagas tapno makita no siasinno dagiti etstablisimiento nga addaan ti pammalubos ken bussiness permit-na.
Kinunana a no maduktalan nga awan iti business permit ti maysa a negosio ket maidasaran ti first notice ken ag-comply gapu ta saan met a patas kadagiti agnegnegosio a dumaldalan iti umno a proseso iti panagoperate-da.
Malaksid iti daytoy kunana nga ado pay dagiti maipadpadanon kadakuada a report a kaoadan kadagiti awanan ti Bussiness permit ket dagiti boarding houses.
Mainaig iti daytoy, inbatdana a no adda ti panangpatibker kadagitoy a polisia ket ado dagiti agbuteng nga agtignay a sumurot kadagiti kasapulan a dokumento ken kadagiti umno a proseso.
Innayonna pay a mabilbilang laengen dagiti saan pay a nakapagpa-renew ti bussiness permit-na ket dagiti saan pay ket impakaammona a nawaya ti opisina iti Business Permit and Licensing Office BLPO ditoy siudad ti Laoag agingga iti bulan ti Disiembre.
