LAOAG CITY – Ginutigot ni Atty. Charito Malicad, ti Officer-In Charge iti Business Permit and Licensing Office ditoy ciudad ti Laoag a gundawayan dagiti residente ti agturong iti opisina da tapno iproseso ti renewal ti business permit da kabayatan a saan pay a nadanun ti deadline.
Daytoy ti sungbat ni Malicad iti saludsud kenkuana no adda ti posibilidad a maiyalud-od ti panagirenew ti business permit ditoy ciudad.
Innayon na a nakadependar pay ti kaado dagiti balligi a makarehisto ti business permit na.
Mainaig iti daytoy, inbatad ni Malicad a nasaysayaat no isapsapa ti mapan agirenew ti business permit tapno nasapsapa a makita no adda dagiti requirements a pagkurkurangan da.
Maipalagip a sipud iti umuna a paset ti Enero ita a tawen ket rinugyanen ti Business Permit and Licensing Office renewal ti business permit babaen ti baro nga E-LGU system ti gobierno lokal ditoy ciudad ti Laoag.
Naamoan a ti plano a panagleppas ti renewal ti business permit ket intono Enero 31 ita a tawen.
