LAOAG CITY – Inpakaammo ni Ms. Eva Marie Dumlao, ti Licensing Officer III iti Business Permit and Licensing Office (BPLO) ditoy ciudad ti Laoag a maikkan ti special permit dagiti aglako ti Christmas lights iti paset iti Barangay 1 ken Barit ditoy ciudad.
Kunana a kasapolan a maikkan dagitoy ti special permit gapu ta ado dagiti lako da a Christmas lights kangrunaanan iti Brgy 1.
Inlawlawag ni Dumlao nga adda ti permit dagitoy nga aglako ken inpasigurado na a saan a substandard dagiti ilaklako dagitoy .
Mainaig iti daytoy, kunana a naiget ti panangmonitor ti opisinada kadagiti kakastoy tapno maipasigurado ti kinatalged dagiti ilaklakoda a Christmas lights,.
Innayon ni Dumlao a no adda dagiti maduktalan nga aglaklako ti substandard a Christmas lights ket kumpiskaren da ken agmulta pay dagitoy.
