LAOAG CITY – Ninigar ni Barangay Chairman Pedro Manuel iti Barangay Madiladig ditoy ciudad ti Laoag ti alegasyon kenkuana ni Michael Carlos iti Barangay 51-B, Nangalisan ditoy ciudad.
Daytoy ket mainaig iti panagpa-blotter ni Carlos seknan ti
maipagarop a panagsasao na ti agkakadakes a sarita ken nagdirty finger pay ti kapitan.
Inlawlawag ni Kapitan Manuel nga iti barangay checkpoint ket sinita da ti maysa a van a taga Dingras a mapan makiminatay iti barangay da gapu ta ado da unay a nakalugan.
Nupay kasta, ditoy metten a maipagarop a dimmarop ni Carlos ken dua pay a kakadwa na iti ayan da nga opisyal ti barangay ken nagdirty finger kagiddan ti panangibaga na a “sika pagbabaraan nakam a pamilya”
Gapu iti daytoy, nakapungtot metten ni Manuel isut gapuna a napagsawan na ni Carlos.
Inpasingked ni Kapitan Manuel nga awan ti dati a susik da ken ni Carlos gapu ta damo da laeng ti agkita.
Innayon na a nagpadespensar kenkuana ti in-inauna a kabsat ni Carlos gapu iti inaramid ti maseknan.
Inbaga ti kapitan nga agcounter-blotter met tapno mailawlawag na ti pudno a napasamak.
