LAOAG CITY – Inbatad ni Police Lt. Col. Michael Agoncillo, ti chief of police iti ciudad ti Batac nga adda ti memorandum nga inparuk-at ti PNP-Regional Office.
Naipalaon iti memorandum ti pannakaikkat amin dagiti barangay checkpoints iti national ken provincial roads.
Inlawlawag ni Agoncillo a gagem ti nasao nga addang ket tapno awan ti makaabbeng kadagiti truck nga agideliver kadagiti makan kabayatan ti Enhanced Community Quarantine gapu iti covid-19.
Nupay kasta, kuna ni Agoncillo a mabalin a mangiyuswat ti checkpoint ti kada barangay no adda ti pammalubos ti PNP ken iti laeng mismo a barangay da.
