LAOAG CITY – Inpetteng ni Barangay Kagawad Bryan Battulayan iti Barangay Cataban ditoy ciudad ti Laoag a saan a mabalin da a mabalin nga agpastrek kadagiti aglaklako iti sitio a nakalockdown.
Daytoy ket mainaig iti reklamo a naawat ti Bombo Radyo Laoag a dagiti traysikelan ket mapapanaw no sumrek da iti nasao a lugar ngem no dagiti aglaklako ti makan ket mapastrek.
Segun kenni Battulayan, bayat nga isuna ti nakabantay iti barikada ket awan ti pinastrek da nga aglaklako ti makmakan.
Inbatad na nga adda ti napan nga aglaklako ken kalpasan daytoy ket nagsursur kadagiti pagtaengan a nai-lockdown nga ibaga da laeng kadagiti opisyales no adda ti kasapulan da tapno isuda ti mapan gumatang ken mangited kadagiti residente.
Mainaig iti daytoy, saan na met a masungbatan ti alegasyon nga adda ti simrek nga aglaklako gapo ta saan nga isuna ti nakaduty iti dayta a gundaway.
