LAOAG CITY – Inbatad ni Barangay Kagawad Ben Richie Pascual iti Barangay 32-C ditoy ciudad ti Laoag a da IN-C121 ken IN-C122 ket nagtalinaed da iti quarantine facilty.
Gapu iti daytoy, inbaga ni Pascual a napagtutulagadan da kadagiti pada na nga opisyal ti barangay nga ilockdown da pay laeng ti intero a Barangay Lapaz.
Inlawlawag na a babaen iti pannakailockdown ti intero a barangay ket nawaywaya da a mangisayangkat ti contact tracing kadagiti possible a nakapulapol dagiti kabarangayan da a nagpositibo ti makapatay a virus.
Inpakaammo ni Pascual a dagiti kabagyan dagiti pasyente a dimmalan ti swab test ket negatibo ti resulta na idinto a ti pamilya a mismo dagiti maseknan ket naibalakad nga ag-home quarantine da pay laeng.
Kinumpirmaran ni Pascual a ni IN-C117 ken ni IN-C121 ket agasawa.
Kabayatanna, inbaga ni Pascual nga awan ti impormasyon na mainaig iti maibagbag a papan panagatendar ti pasken ni IN-C117 iti sabali a barangay ditoy ciudad ti Laoag.
