LAOAG CITY – Inlawlawag ni Ombudsman Jesus Crispin Remulla a saanen nga agkidkiddaw ni dati a Bulacan 1st district assistant engineer Brice Hernandez nga agbalin a state witness gapo ta maibilangen daytoy a “cooperative witness.”
Segun kenni Remulla, saanen nga ipilpilit ni Hernandez nga agbalin nga state witness gapo ta makita na met a narigat a maipaay t blanket immunity nangruna iti ghost project.
Inbatad pay ni Remulla amakikokooperar met ni Hernandez kadagiti miayus-uswat nga imbestigasyon mainaig iti nasao nga isyu.
Kuna pay ti Ombudsman a makikooperar man wenno saan ket makumbiktaran met laeng dagitoy isut gapo na a saanen a kasapulan nga agbalin nga state witness.
Mainaig iti daytoy, inpasigurado ni Remulla a maipaayan ni Hernandez ti special consideration ngem makikoordenar iti korte.
Ni Hernandez ti nanginagan kadagiti sumagmamano nga agpanpanday linteg a maipagarop a karaman iti isyu ti flood control ken ummunan a kiniddaw na nga agbalon nga state witness.
Daytoy ket kalpasan nga inpaima ti Department of Justice (DOJ) iti Office of Ombudsman ti rekomendasyon iti panangipila ti kaso kontra kadagiti opsiyal ti Department of Public Works and Highways – Bulacan First District Engineering Office ken contractors a karaman iti daytoy.
Maipalagip a nagturong ni Hernandez iti Office of the Ombudsman kas paset iti fact-finding investigation iti anomalya iti flood control projects.
