LAOAG CITY – Maysa ti pimmusay idinto nga innem a sabsabali dagiti mapukpukaw kalpasan a naarinebneb ti luxury yacht iti baybay ti Sicily gapu iti dakes a panawen.
Ti yate nga agatiddog ti 56 a metro ket adda ti karga na a 22 a tattao a pakairamanan ti 10 a crew ken 12 a pasahero.
Karaman kadagiti pasahero ket British, American ken Canadian nationals.
Naisalakan ti emergency services ti 15 a tattao karaman ti agtawen ti maysa a babai a Briton.
Naamoan a karaman kadagiti mapukpukaw British tech tycoon a ni Mike Lynch, ti anak na a babai a ni Hanna ken ti chef ti yate.
