LAOAG CITY – Dakkel a tulong dagiti Barangay Ranger Officers (BRO) tapnu naiget a mamonitor dagiti kabanbantayan ditoy pobinsia ti Ilocos Norte.
Segun ken ni Mr. Jogie Jimenez iti Environment and Natural Resources Office, a dakkel ti nagbalin nga epekto ti maipaay ti forest fire ket babaen kadagiti Barangay Ranger Officers ket mabalin a malapdan ti panagwaras ti uram .
Mainaig iti daytoy, maysa a kadagiti kangrunaan a programa ti Provincial Government of Ilocos Norte ket ti pannakatagiben kadagiti kabanbantayan.
Innayonna, agpataod pay dagitoy kadagiti seedling iti nursery iti ili ti Burgos, Dingras, Solsona, ken Nueva Era tapnu isu ti pangalaan ti probinsia a maibunong kadagiti nagduduma a Local Government Unit.
Kabayatanna, maipaayan dagiti Barangay Ranger Officers ti insentibo manipud gobierno probinsial iti uneg ti sangapulo nga aldaw a panagubra da.
