LAOAG CITY – Napili ti Los Angeles Lakers kas 55th pick ti 2024 Draft ni Bronny James.
Gapu iti daytoy, mangaramid ti agama nga isuda LeBron James ken Bronny iti pakasaritaan ti National Basketball Association a kaunaan a father-son duo gapu ta maymaysa ti grupoda.
Ti nasao a draft ket inrakurak mismo ni NBA deputy commissioner Mark Tatum.
Ti agtawen iti 19 a ni Bronny ket nagbalin a naaweng a nagan a makastrek iti draft ita a tawen.
Aggapu iti Sierra Canyon School idiay California ken nagpirma a nagay-ayam iti collegiate level iti USC Trojans.
Idi Hulio 2023 ket nakapasar daytoy ti cardiac arrest a nagresulta iti congenital heart defect.
Kalpasan a makarekobre ket nagsubli daytoy iti panagay-ayam no sadino addaan ti 25 appearance isuna iti 2023-24 season no sadino a nag-average laeng isuna ti five points, tallo a rebounds ken dua nga assists.
Maipalagip nga inbatad ti NBA star a ni James a kalikagumna a makadua ti anakna iti maymaysa a grupo.
