LAOAG CITY – Ngimmato ti napastrek ti Bangko Sentral ng Pilipinas (BSP) manipud Enero agingga iti Oktubre iti napalabas a tawen iti P113 billion.
Daytoy ket lima a daras a nangatngato ngem iti nairekord iti 2023 nga umabot iti P21.6 billion ken daytoy ket gapo iti nangato a trading gains ken interest income.
Basar iti datos ti central bank, iti kadagupan a napastrek, kaadoan kadagitoy ket manipud iti interest income iti foreign investments, government securities ken treasury bonds, a ngimmato iti 49.5 percent agingga iti P264 billion iti ummuna a 10 a bulan ti 2024 manipud met iti P176.6 billion iti kapada a panawen idi tawen 2023.
Iti met miscellaneous income pakairamanan ti napastrek wenno pukaw iti trading, fees, penalties ken dadduma pay nga operating income ket ngimmato met iti P63.4 billion manipud Enero agingga iti Oktubre, uppat a daras met a nangatngato ngem iti P13.6 billion.
Malaksid iti daytoy, ngimmato pay ti interest income iti 23 percent agingga iti P200.7 billion iti 10-month period iti napalabas a tawen manipud P163 billion iti kapada a panawen idi 2023.
