LAOAG CITY – Kinigtot manen ti dati a nobia ni Buboy Villar a ni Angillyn Gorens kalpasan nga inakusaranna ti actor-comedian kontra kenkuana pakairamanan ti pisikal a panangabuso, panangluko ken maipagarup a panangbaybay-ana iti dua nga annakda.
Naammoan a dagiti rakurak ni Gorens ket kagiddan ti interbyu ni Buboy no sadinno a dinakamatna a ti baro a non-showbiz girlfriend-na a ni Isay Sampiano ken ti tallo a bulan nga anakda.
Mainaig iti daytoy, nangiruar ni Gorens iti kaririknana iti online ken kunana a saannan a mateppelan dagiti pammabalaw kenkuana ken saannan a kabaelan ti agulimek kadagiti napasamak kadakuada.
Iti post-na iti online nga inikkatnan, inlawlawagna a nabayagen a pabpabasolenda isuna ken idasdasigda iti baro a girlfriend ni Villar uray awan met ti ar-aramidenna a dakes.
