LAOAG CITY – Inpakitan iti publiko ti aktor a ni Buboy Villar ti nobia ken ti tallo a bulan nga anakna.
Kagiddan ti maika-27 a panagkasangayna ket sinurpresa isuna ti nobia iti maysa a taping ti vodcast.
Adda ti iggem a birthday cake ti nobiana a ni Khrizza Mae Sampiano ken nabunyagan ti anakda a ni Kyrie.
Agpada a dagiti nasinged a pagayam ken kabagianda laeng ti nagatendar iti bunyag.
Iti online account ni Khrizza, nag-post daytoy ti family photo ken nagyaman ti aktor kalpasan a kinablaawanna isuna.
Maipalagip nga addan ti dua nga annak ti aktor manipud iti dati a live-in partner-na nga American a ni Angillyn Serrano Gorens.
