LAOAG CITY – Naglikudan ni Ms. Nelda Casas, ti Budget Officer ditoy ciudad ti Laoag ti alegasyon nga ummuna a nagatang ti lugan ti City Agriculture Office sakbay a dimmalan iti umno a proseso dagiti dokumento a kasapulan.
Segun kenni Casas, sabali ti agdama nga us-usaren a Pick-up hi-lux ken ti gatangen da babaen iti kwarta nga inabak ti City Agriculture Office iti maysa a pasalip idi 2019.
Inbatad na nga ado dagiti proyekto para iti City Agriculture Office no sadinno karaman ditoy ti pannakagatang ti lugan.
Ummuna iti daytoy, naimbitaran ni Casas iti Sang. Panlungsod no sadinno nasaludsod kenkuana no masapol ti Appropriations Ordinance tapno mausar ti kwarta nga igatang da ti lugan.
Inlawlawag met ni Casas a saanen a masapol ti Appropriations Ordinance no diket ti resolusyon para iti pannakausar ti pondo.
