LAOAG CITY – Mapattapatta a dumanon iti 7.56 milyon a sako ti milled rice ti buffer stock ti National Food Authority (NFA).
Kagiddan daytoy ti peak season ti irik iti pagilian.
Rumrummuar a paset ti direktiba ni Presidente Ferdinand Marcos Jr. ti panagngato ti imbentario, gagem a papigsaen ti panaggatang ti irik ken matulongan ti ad-adu a mannalon a Pilipino.
Iti baet daytoy, basar iti datos idi Abril 24, adda ti 10.1 milyon a sako ti irik ken 1.2 milyon a sako ti milled rice ti National Food Authority, umdas tapno masupusupan iti intero a pagilian iti uneg ti sangapulo nga aldaw.
Inbatad ni National Food Authority Administrator Larry Lacson, adda pay ti nabatbati a P12 bilyon a pundo para iti panaggatang ti irik iti presio nga P18–P24 iti kada kilo.
