LAOAG CITY – Inpakaammo ni Mr. Elmer Emerito Pascua, ti Licensing Officer III ti Business Permit and Licensing Office ditoy siudad ti Laoag a temporario laeng ti panagpuesto dagiti food stalls iti daya ken laud a paset ti Aurora Park.
Inbatadna a daytoy ti alternatibo a napanunutan dagiti maseknan nga ambulant vendors tapno maliklikan ti panagdudupudop dagiti tattao iti mismo Aurora Park.
Inlawlawagna a dati a nakapuesto dagiti food stalls iti Aurora Park ngem gapu kadagiti maiyus-uswat nga event ken mapanda agpuesto iti baba ti nasao a parke.
Kunana nga met ti koordinasion dagiti ambulant vendors kadagiti nagduduma a pangopisinaan tapno agbalin a natalged iti panagpuesto dagitoy.
Maipalagip a dua a nagsaruno a rabii a nagpuesto dagiti maseknan a nangitunda ti pannakaabbeng kadagiti kalsada.
Iti agdama, naammoan a nagsubli metten dagiti food stalls iti mismo paset ti Aurora Park.
